Ֆրանսիայում սկսվել է թերի վերջույթներով ծնված երեխաների մի քանի մասնավոր փաստերով համազգային հետաքննություն՝ գրում է Reuters-ը։
Հետաքննության նախաձեռնողը Ֆրանսիայի առղջապահության նախարարությունն է։ Տեղեկացվում է, որ այս շաբաթ արձանագրվել են մի քանի նոր դեպքեր։
Նախարարության տեղեկացմամբ՝ 2000-2014թթ․ երկրի արևելյան հատվածում՝ Շվեյցարիայի սահմանից ոչ հեռու, հայտնաբերվել է նմանատիպ 18 դեպք, ևս 7 նմանատիպ դեպքեր հայտնաբերվել են Ֆրանսիայի արևմուտքում 2007-2013թթ․։
«Ես ուզում եմ իմանալ՝ ինչ է կատարվում, և կարծում եմ, որ ողջ Ֆրանսիան ևս»,- ասել է Ֆրանսիայի առողջապահության նախարար Ագնես Բուզինը։ Նա հավելել է, որ պատճառը կարող է բնապահպանական գործոնը լինել, այդ թվում սնունդը, որ կանայք օգտագործել են հղիության ընթացքում։
