Ճարտարագետների և դերձակների խումբը 10-ամյա հաշմանդամ տղայի համար Հելոուինի համազգեստ է մշակել՝ գրում է Daily Mail-ը։
10-ամյա Էմիլը չի կարողանում քայլել և ստիպված է տեղաշարժվել հաշմանդամի սայլակով։ Անցյալ տարի Հելոուինի տոնին դեռահասը սովորական հագուստով է եղել, բայց այն տեսանելի է եղել միայն դիմացից։ Մոնրեալցի էնտուզիաստները այժմ նրա համար ստեղծել են մի հագուստ, որը լուծում է այդ խնդիրը։
Էմիլը կստանա ամրոցում գտնվող հրեշի համազգեստ։ Նա կհագնի հրեշի զգեստը, իսկ նրա սայլակին կամրացվի քարե պատերի ձև ունեցող պլաստիկե շերտ։ Համազգեստը տպված է 3D տպիչով։
