Կոլումբիայի Սան Բեռնարդո քաղաքում գործում է զմռսված դիակների թանգարան: Այն ստեղծվել է այն բանից հետո, երբ պարզվել է, որ տվյալ գերեզմանոցում դիակները ոչ թե նեխում են, այլ վերածվում մումիաների:
Սան Բեռնարդոն գտնվում է Կունդինամարկա դեպարտամենտում՝ երկրի կնտրոնական հատվածում:
Բացահայտումն արվել էր անցած դարի 50-ական թվականներին, երբ կարիք առաջացավ պատմական գերեզմանոցը տեղափոխել այլ վայր:
Աշխատանքների ընթացքում պարզվեց, որ բազմաթիվ դիակներ առանց պատճառի վերածվել են մումիայի:
Հստակ բացատրություն, թե ինչու է այդ երևույթը տեղի ունենում, մինչ օրս տրված չէ, հայտնում է vesti.ru-ն:
Ներկայումս դիակները տեղադրվել են ապակե սարկոֆագների մեջ, որոնք ի ցույց են դրվել զբոսաշրջիկներին:
