«Մենք դեռ չենք հեղափոխվել. դեռևս սովոր ենք, որ մեր փոխարեն պիտի որոշի կառավարությունը՝ 1 կամ 2 մարդ, և մենք սովոր ենք սեփական պատասխանատվությունը բարդել պետական կառավարման միավորների վրա»,- «Առաջին լրատվական»-ի հետ զրույցում ասաց քրեական արդարադատության փորձագետ Արշակ Գասպարյանը՝ անդրադառնալով հետհեղափոխական իրավիճակին:
Նրա խոսքով՝ կան մարդիկ, որոնց համար հեղափոխությունը սկսվում և ավարտվում էր իր ստամոքսով՝ «կարմիր գծերը, կամերաները պիտի վերանային, բայց այդպես էլ չվերացան: Ցավոք սրտի, այս տարիների ընթացքում մենք հասարակությանը հասցրինք նրան, որ նա իր կենսաբանական պահանջմունքից ավելին չտեսնի»:
Ինչպես նշեց փորձագետը՝ հայի տեսակը պայքարող ու կռվող չի, այլ արարող, գլուխը կախ աշխատող: «Մենք հաղթող ենք լինում, երբ զգում ենք, որ արդեն անելանելի վիճակում ենք, և հերիք է նա հասկանա, որ արդեն հասավ ոսկորից այն կողմ, և ինքը դառնում է պայքարող»,- ասաց Արշակ Գասպարյանը՝ հավելելով, որ հեղափոխությունը ներարկեց մի կարևոր բան՝ հավատը սեփական ուժերի նկատմամբ:
Մանրամասները՝ տեսանյութում: