Լուրեր
Հայաստանը օկուպացված երկիր է. Տիգրան Խզմալյանը «Եվրոպական կուսակցություն» է ստեղծում
  • 13:30
  • 2018-10-28
  • Դիտումներ՝ *

Հայաստանի քաղաքական ներկապնակն ակտիվորեն նոր գույներով ու նրբերանգներով է համալրվում։ Արտահերթ խորհրդարանական ընտրություններին ընդառաջ նոր քաղաքական ուժեր են ստեղծվում և նոր կուսակցություններ ձևավորվում։

Հաշվի առնելով Ռուսաստանի գործոնը և մի շարք այլ գործոններ, երկար ժամանակ մի շարք արևմտամետ գործիչներ խուսափել են օգտագործել եվրոպական եզրույթը, ձևակերպումը, որը փոխարինել են ավելի նեյտրալ՝ ժողովրդավարական բառով։ Ի՞նչն էր խնդիրը, որ դուք խիզախեցիք և գնացիք բացահայտ առճակատման՝ հաշվի չառնելով այդ գործոնները «Առաջին լրատվական»-ի հարցին կինոռեժիսոր, հասարակական գործիչ Տիգրան Խզմալյանը պատասխանեց․ «Գուցե ոմանց համար անսպասելի լինի, բայց Հայաստանը Եվրոպա է, և դա ոչ թե դատարկախոսություն է կամ գեղեցիկ արտահայտություն, այլ այն ընկած է երկու հսկա դյուցաբանությունների հիմքում։ Քաղաքական առումով մենք չպետք է տատանվենք՝ արդյո՞ք Հայաստանը Եվրոպա է»։

«2007 թվականին Վլադիմիր Պուտինը մյունխենյան իր հայտնի ճառում ասաց, որ Ռուսաստանը Եվրոպա չէ, որը հրամցվեց Ռուսաստանի արբանյակներին, որոնց պատկանում է նաև Հայաստանը։ Մեր համախոհների խումբը որոշել է ստեղծել Հայաստանի «Եվրոպական» կուսակցությունը, որը հիմնված է մի քաղաքական առանցքի շուրջը։ Մենք համարում ենք, որ Հայաստանը օկուպացված երկիր է․ 98 տարի շարունակ Հայաստանը զավթված է՝ 1920 թվականի ռուս-թուրքական պայմանագիրը պսակել է այդ զավթումը։ Եթե մենք չենք խոսում դրա մասին, այլ խոսում ենք ինչ-որ տնտեսական, մշակութային հարցերի շուրջ, ապա մենք ժամանակ ենք վաճառում»,- հավելեց բանախոսը։

Ամբողջությամբ՝ տեսանյութում։

  • Դիտումներ՝ *