Շոտլանդիայի Էսեքս դքսության Ուեսթքլիֆ օն Սի քաղաքի բնակիչը ձեռքի եղունգները կրծելու սովորության պատճառով հիվանդանոց է ընկել արյան վարակի ծանր աստիճանով։ Այդ մասին գրում է The Mirror-ը։
Հունվար ամսին Ռիքի Քենեդին այնքան ուժեղ է կրծել միջնամատի եղունգը, որ դրա տակ հեղուկային գոյացություն է առաջացել։ 57-ամյա տղամարդը դիմել է բժշկի և վերջինս նրան հակաբիոտիկ հաբեր է նշանակել։ Սակայն մի քանի օր անց ցավը տարածվել է ողջ մարմնով մեկ և այնքան ուժեղ է եղել, որ նա չի կարողացել շարժվել։ Քենեդիի կինը շտապօգնություն է կանչել մտածելով, որ նրա մոտ սրտի կաթված է։
Բժիշկները տղամարդու մոտ արյան ծանր վարակ են ախտորոշել և տեղեկացրել, որ ապրելու հավանականությունը նման դեպքում կազմում է 50%։
Տղամարդուն դուրս են գրել հիվանդանոցից մայիս ամսին։ Այժմ նա տառապում է մի շարք բարդացումներից։
Լրատվականի տվյալներով՝ Մեծ Բրիտանիայում մեկ տարվա ընթացքում արյան վարակից մահանում է միջինում 44 հազար մարդ։
