Playboy հրատարակչությունը մեղադրել է Harper’s Bazaar ամսագրի օնլայն վարկածին սուպերմոդել Քեյթ Մոսի մերկ լուսանկարների էքսկլյուզիվ իրավունքների խախտման համար՝ հայտնում է Associated Press-ը:
Հայտարարության մեջ, որը ներկայացվել է Նյու Յորքի դաշնային դատարան, ասվում է, որ Harper’s Bazaar-ը թույլ է տվել իրավունքների խախտում՝ ընթերցողներին հասանելի դարձնելով Մոսի մերկ լուսանկարները, որ արվել էին Playboy-ի հունվարյան համարի համար:
Մոսի ֆոտոսեսիայի ամեն լուսանկարի համար Playboy-ը Harper’s Bazaar-ի հրատարակիչներից՝ Hearst Communications-ից, պահանջում է 150 հազար դոլար: Թե Playboy-ը քանի լուսանկարից է պատրաստվում գումար ստանալ՝ չի հրապարակվում:
Hearst Communications-ն ու Harper’s Bazaar-ը դեռ չեն մեկնաբանել Playboy-ի հայցը:
Մոսը Playboy-ի համար նկարահանվել է իր 40-ամյակի նախօրեին, որը տոնել է հունվարի 16-ին:
