Մադրիդի «Ռեալ»-ը պատրաստվում է գնել «Սևիլյա»-ի պաշտպան Ալբերտո Մորենոյի տրանսֆերը` նրան դիտարկելով որպես փոխարինող Ֆաբիո Կոենտրաուին, ով ընթացիկ մրցաշրջանի ավարտից հետո մեծ հավանականությամբ կհեռանա Իսպանիայի մայրաքաղաքից:
«Արքայական ակումբ»-ն ամռանը կպայքարի երիտասարդ ֆուտբոլիստի տրանսֆերը գնելու համար, որի փոխհատուցման գումարի չափը, ըստ խաղացողի պայմանագրի, կազմում է 30 մլն եվրո: «Ռեալ»-ում կարծում են, որ Մորենոն իդեալական փոխարինող կլինի Մարսելոյի համար, ով կմնա թիմի հիմնական ձախ պաշտպանը, իսկ նա խաղադաշտ դուրս կգա, երբ բրազիլացին վնասվածք ունենա կամ էլ ստացած լինի հանգստի հնարավորություն:
Բացի այդ, մադրիդյան ակումբն այդպիսով կշարունակի հետևել իսպանացի երիտասարդ ֆուտբոլիստների տրանսֆերներ գնելու իր նոր քաղաքականությանը:
