Երեկ Երևանում մահվան ելքով վրաերթ է տեղի ունեցել. ժամը 23։50-ի սահմաններում 46-ամյա Արմենակ Հ.-ն Շիրազի փողոցի թիվ 11/1 հասցեի դիմաց իր վարած Mercedes մակնիշի 22 UL 622 համարանիշի ավտոմեքենայով վրաերթի է ենթարկել հետիոտն 22-ամյա Ալբերտ Թերմելյանին։
Shamshyan.com-ի փոխանցմամբ՝ վարորդը փախուստի չի դիմել, օգնել է վրաերթի ենթարկվածին տեղափոխել «Աստղիկ» բժշկական կենտրոն։
Աղբյուրի տեղեկություններով՝ հոկտեմբերի 19-ին՝ առավոտյան 07։30-ի սահմաններում, «Աստղիկ» բժշկական կենտրոնից Ճանապարհային ոստիկանությանը տեղեկացրել են, որ վրաերթի ենթարկվածը մահացել է։ Նա նոր էր զորացրվել զինծառայությունից։