Գերմանիայում 2018 թվականին նոր ապաստան հայցողների թիվը կտրուկ նվազել է:
Այս մասին տեղեկացրել է Միգրացիայի և փախստականների դաշնային գրասենյակը (BAMF)՝ գրում է Deutsche Welle-ն:
Հունվարի սկզբից մինչև այս տարվա սեպտեմբերի վերջը միգրանտներից ստացվել է 124 405 նախնական դիմում, ինչը 17,6% -ով պակաս է, քան 2017 թվականի նույն ժամանակահատվածում:
ԳԴՀ-ում ապաստան հայցողների մեծ մասը Սիրիայի (33,8 հազար), Իրաքի (12,5 հազար) և Նիգերիայի (ավելի քան 8000) քաղաքացիներ են: Ընդհանուր առմամբ, 142,167 նոր ապաստան ստանալու հայտեր են քննարկվում ԲԱՄՖ-ի կողմից, որոնցից շուրջ 18 հազարը կրկնվում են: Սա 15,5% -ով պակաս է, քան նախորդ տարվա նույն ժամանակահատվածում: Արդեն քննարկման դրված դիմումների քանակն ավելի շատ է նվազել՝ 99,343-ից հասնելով 59,738-ի, այսինքն` 39,9% -ով: