Ուկրաինան և Թուրքիան կդառնան անդրազգային հանցավորության դեմ պայքարում քառակողմ միջկառավարական խմբի անդամներ, որին կմիանան նաև Ադրբեջանը և Վրաստանը՝ գրում է apsny.ge-ն:
Համապատասխան նախագիծը հաստատված է երկու երկրների պետական մակարդակով: Այն քննարկվել է հոկտեմբերի 16-ին Ուկրաինայի ազգային ոստիկանության նախագահ Սերգեյ Կնյազևի և Թուրքիայի Հանրապետության անվտանգության գլխավոր գլխավոր տնօրեն Ջելալ Ուզունքայի գլխավորած պատվիրակության հանդիպման ընթացքում՝ հաղորդում է UNN-ը` վկայակոչելով Ուկրաինայի ազգային ոստիկանության հաղորդակցության բաժնի տարածած հաղորդագրությունը:
«Մեր համապատասխան մարմինների հետ խորհրդակցելուց հետո մենք հավանություն ստացանք նման խմբի ստեղծման վերաբերյալ: Ցավոք, մեր գլոբալացվող աշխարհում հանցագործությունը չի սահմանափակվում որևէ երկրի սահմաններով: Կարծում եմ՝ եթե բոլոր երկրների ոստիկանության ծառայությունները համագործակցեն, դա շատ դրական արդյունքներ կտա: Ի վերջո, ցանկացած երկրի ոստիկանությունը նույն խնդիրներն ու լուծման նույն ուղիներն ունի»,- ասել է Ջելալ Ուզունքայը։
