«Հրապարակ» թերթը գրում է. «Առաջիկայում ՀՀԿ-ին զանգվածային ուրացման շքերթներ են սպասվում։ Երեկ առաջին ծիծեռնակները երևացին՝ ի դեմս նախկին գլխավոր դատախազ, իշխանությունների հիմնասյուներից Գևորգ Կոստանյանի, գործարար պատգամավոր Արման Սահակյանի, որոնք հայտարարեցին դեկտեմբերին արտահերթ ընտրություններ անցկացնելու վարչապետ Նիկոլ Փաշինյանի մտադրությանն իրենց աջակցությունը։
Լուրեր կան, որ Ալիկ Սարգսյանը նույնպես կհետևի նրանց, սակայն Սերգեյիչը հայտնեց, որ դեռ վերջնական որոշում չունի, 10 օր է՝ խորհրդարան չի գնում և առաջիկայում էլ կշարունակի բոյկոտը։ Թե ինչու՝ խոստացավ պարզաբանել հայտարարությամբ։ Ի դեպ, երեկ լուրեր կային, որ Կոստանյանի այս պահվածքը «լուրջ» հիմք ունի՝ նախօրեին կայացել է Արարատ Միրզոյան-Կոստանյան հանդիպումը»:
Առավել մանրամասն՝ թերթի այսօրվա համարում:
