Այս տարի «Ոսկե Ծիրան» միջազգային կինոփառատոնը հայ կինեմատոգրաֆիայի զարգացման համար իրականացնում է ևս մեկ կարևոր նախագիծ՝ արտահայտման ու ներկայանալու հնարավորություն ընձեռելով երիտասարդ կինոգործիչներին։ «Կորիզ» խորագիրը կրող ծրագիրը, որն ինքնին փառատոն է՝ փառատոնի ներսում, կարճամետրաժ խաղարակային ֆիլմերի մրցույթ է։ Կազմակերպիչներից մեկի՝ Գագիկ Ղազարէի խոսքով՝ պատահական չէ մրցույթի խորագրի ընտրությունը. այն նախ պայմանավորված է «Ոսկե Ծիրան» անունով, ապա խորհրդանշում է կարճամետրաժ ֆիլների կարևորությունը ռեժիսուրայի ասպարեզում, հենց կարճամետրաժներից են մասնագիտական կարիերան սկսել բազում հայտնի ռեժիսորներ։
«Կորիզին» մասնակցելու հայտ է ներկայացրել 135 երիտասարդ ռեժիսոր, որոնցից ընտրվել են 25-ը 18 երկրից։ Ծրագրում ընդգրկված են ոչ միայն դասական, այլև էքսպերիմենտալ ֆիլմեր։ Հայ ռեժիսորների հայտերից ընտրվել է միայն երեքը։ «Մենք ընտրել ենք այն ֆիլմերը, որոնք ունեն դրամատուրգիա, որևէ ասելք ու պատմություն ունեն։ Հայ ռեժիսորները հաճախ են տրտնջում, թե ֆինանսական միջոցերը սուղ են, սակայն արտասահմանից ֆիլմեր ենք ստացել, որոնք շատ քիչ ծախսերով են նկարված, սակայն շատ գեղեցիկ են»,- ասում է ռեժիսոր, մրցույթի կազմակերպիչներից Լուսինե Սարգսյանը։
Իսկ ռեժիսոր Գագիկ Ղազարէն խորհուրդ է տալիս հայ ռեժիսորներին դուրս գալ ավանդույթների ազդեցությունից, օգտագործելով նորագույն տեխնոլոգիաների հնարավորությունը՝ ուսումնասիրել համաշխահային կինոյի զարգացման փուլերն ու նոր միտումերը՝ ավելի որակյալ կինո նկարահանելու համար։
