Գաղութատիրության խորհրդանիշ․ Մելանիա Թրամփին քննադատել են Քենիայում սպիտակ գլխարկ կրելու համար

ԱՄՆ առաջին տիկին Մելանյա Թրամփին քննադատել են սպիտակ գլխարկով Քենիա ժամանելու համար։ Ամերիկյան The New York Times թերթում հրապարակված հոդվածի հեղինակը նշել է, որ այդ հագուստի տարրը համարվում է եվրոպական գաղութատիրության խորհրդանիշ, իսկ նախագահի կինը «գլոբալ մակարդակի սխալ է թույլ տվել»։

Հոդվածում ընդգծվում է, որ Մելանյա Թրամփի գլխարկը ասոցացվում է աֆրիկացիների շահագործման հետ, իսկ այն, որ նա կատարյալ ճերմակ վերնաշապիկ է հագել, երբ գնացել է փղին կերակրելու, էլ ավելի է բարդացնում բացասական ազդեցությունը։

ԱՄՆ ղեկավարի կինը Աֆրիկա կատարած այցի շրջանակներում մտադիր է լուսաբանել հումանիտար գործունեության ոլորտում հաջողված նախաձեռնությունները, ինչպես նաև մայրցամաքի շատ երկրներում նախատեսված զարգացման ծրագրերը։

For some, the sight of Melania Trump on a Kenyan safari wearing a white pith helmet — a common symbol of European colonial rule — was a glaring mistake https://t.co/p7dq5ZpGIr

— The New York Times (@nytimes) October 5, 2018