Մեծ Բրիտանիայի Քամբրիա կոմսությունում փրկել են 58-ամյա տղամարդուն, որին տարիներ շարունակ ստրկության մեջ են պահել: Այս մասին հաղորդում է Daily Mail-ը:
Պարբերականի տվյալներով՝ ոստիկանները բրիտանացուն ազատել են Քարլայլ քաղաքի մերձակայքում հատուկ գործողության ժամանակ: Տղամարդուն դուրս են բերել ավերակ, փոքրիկ կանաչ ցախատնից, որտեղ նա ենթադրաբար ապրել է քառասուն տարի՝ 18 տարեկանից ի վեր: Այնտեղ հայտնաբերվել է նաև աթոռ, հեռուստացույց, քնապարկ՝հատակին և տաքացուցիչ:
Ներկա պահին զոհին զննում են բժիշկները: Ստրկատիրության կասկածանքով ձերբակալվել է 79-ամյա բրիտանացին:
