Հունվարի 13-ին՝ ժամը 03:01-ին, ՀՀ արտակարգ իրավիճակների նախարարությունում տեղեկություն է ստացվել, որ Շիրակի մարզի Ցողամարգ գյուղի մոտակայքում տեղի է ունեցել ՃՏՊ. կան տուժածներ, անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ Գյումրի-Բավրա ավտոճանապարհի 26-րդ կմ-ին «ՍԿԱՆԻԱ» մակնիշի SAO-822 պետհամարանիշով բեռնատար ավտոմեքենան դուրս է եկել ճանապարհի երթևեկելի մասից և շրջվել:
Ավտոպատահարի հետևանքով վարորդը՝ 1957 թ. ծնված Գ. Յ.-ն, ով Վրաստանի Հանրապետության քաղաքացի է, տեղում մահացել է:
Հրշեջ-փրկարարները ավտոմեքենայից դուրս են բերել ուղևոր, Վրաստանի Հանրապետության քաղաքացի, 1982 թ. ծնված Զ. Կ.-ին:
Բժիշկները տուժածի առողջական վիճակը գնահատել են բավարար:
