Այսօր՝ հոկտեմբերի 2-ին, Ազգային ժողովում հայտարարությունների ժամին «Ելք» խմբակցության պատգամավոր Հայկ Կոնջորյանը հայտարարեց, որ ժողովրդավարությունը ժողովրդի կամքի արտահայտման ձևն է: «Պատգամավորի խիղճը պետք է համահունչ լինի ժողովրդի խղճին և պատգամին, սակայն որոշ պատգամավորների խիղճը ոչ թե ժողովրդի ծոցում է, այլ որոշ մարդկանց գրպանում, և ժողովուրդը չի ցանկանում, որ պատգամավորների հենց այդ տեսակը շարունակի իրեն ներկայացնել Ազգային ժողովում»,- դիմելով ԱԺ փոխխոսնակ Էդուարդ Շարմազանովին՝ ասաց պատգամավորը:
Նրա խոսքով՝ այսօրվա ներկայացրած նախագիծը վատ օրինակ է և հապշտապ բերված է ԱԺ, որը այսօրվա քաղաքական օրակարգի հետ մեծ առնչություն ունի. «Այս ստվերային քաղաքականության մշակույթին պիտի ի վերջո վերջ տրվի: Ժողովրդի թիկունքում քաղաքականություն իրականացնող ուժերը պիտի հայտնվեն քաղաքական ստվերում»:
Մանրամասները՝ տեսանյութում:
