«Նոր հետազոտությունը ցույց է տվել, որ նիհարողները կարող են հինգ անգամ ավելի շատ քաշ գցել, պատկերացնելով, թե որքան ավելի լավը կլիներ իրենց կյանքը, եթե իրենք ավելի նիհար լինեին»,– հաղորդում է The Telegraph-ի լրագրող Սառա Քնեփթոնը։
Հետազոտողները պարզել են, որ «ֆունկցիոնալ վիզուալիզացիայի թրեյնինգի» դիմողները գոտկատեղի հատվածում 4,3 սմ ավելի են նիհարել և շարունակել են նիհարել բուժման ավարտից հետո էլ։
Գիտնականները համեմատել են 141 մարդու տվյալներ, որոնք երկու տարբեր տեխնիկաներ են օգտագործել նիհարելու համար. մոտիվացիոն հարցազրույց (երբ մարդկանց խթանում են զարգանալ) և ֆունկցիոնալ վիզուալիզացիա (երբ նրանց խրախուսում են խոսել իրենց կարիքների մասին)։
Հետազոտության ղեկավար Լինդա Սոլբրիգը Պլիմուտի համալսարանից հաղորդել է. «Սա պարզապես ֆանտաստիկա է, որ մարդիկ այս թերապիայի շնորհիվ ավելի շատ են քաշ գցել, քանի որ, ի տարբերություն շատ այլ հետազոտությունների, նախատեսված չեն եղել սննդի և ֆիզիկական ակտիվության վերաբերյալ խորհուրդներ և ուսուցում։ Մարդիկ բացարձակ ազատ են եղել իրենց ընտրության մեջ և նրանց աջակցել են նրանում, ինչ նրանք ցանկացել են անել, այլ ոչ թե ինչ նրանց ցուցված է եղել ռեժիմով»։
