Ինդոնեզիայում փրկարարներին հաջողվել է դուրս հանել երեք օր փլատակների տակ մնացած մի քանի մարդու։ Այդ մասին տեղեկացնում է RIA Novosti-ն։
Նշվում է, որ Նուրուլ անվամբ կնոջը դուրս են հանել Բալարոայում բնակելի շենքի փլատակների տակից։ Մեկ այլ տուժածի՝ Ալֆրիդա անվամբ, հայտնաբերել են քաղաքի ռեստորաններից մեկի փլատակների տակ։
Որոնողական գործողությունների մասնակիցների տվյալներով՝ աղետից տուժած շրջաններում փրկվել է ևս մի քանի մարդ։
Տեղեկացվում է, որ պաշտոնական տվյալներով՝ Ինդոնեզիայում երկրաշարժից զոհվածների թիվը հասել է 1203-ի։
