ՀՀԿ կլանի թալանողներից է․ Մարալիկում «վախի մթնոլորտ է», բնակիչները վճռական են՝ հասնելու ենք համայնքապետի հրաժարականին

Շիրակի մարզի Անի համայնքում արդեն երկու ամիս է, ինչ համայնքի բնակիչները իրականացնում են տարբեր տեսակի բողոքի ակցիաներ՝ ընդդեմ ՀՀԿ-ական ղեկավար Արտակ Գևորգյանի։

Այսօր Մարալիկում վաղ առավոտից բողոքի ակցիայի մասնակիցները փակել են քաղաքապետարանի մուտքերը՝ թույլ չտալով համայնքապետին ու աշխատակիցներին աշխատանքի գնալ։ «Առաջին լրատվական»-ի հետ զրույցում բողոքի ակցիայի մասնակիցները տեղեկացրին, որ այսկերպ փորձում են իրենց ձայնը լսելի դարձնել վերևներին։