ԱՄՆ նախագահ Բարաք Օբաման հունվարի 17-ին հանդես կգա ելույթով և կներկայացնի ամերիկյան հատուկ ծառայությունների` տեղեկություններ հավաքելու վերաբերյալ բարեփոխման ծրագրերը: Այս մասին հայտնել է Սպիտակ տան մամլո քարտուղար Ջեյ Քարնին:
Նա հրաժարվել է մեկնաբանություններ ներկայացնել նախագահի ելույթի վերաբերյալ:
Դեկտեմբերին Օբաման ստացել է այն փորձագետների խմբի զեկույցը, ովքեր Սպիտակ տան խնդրանքով ձևակերպել են հատուկ ծառայությունների կողմից տեղեկություն հավաքելու առաջարկությունները: Սպիտակ տան պաշտոնական դիրքորոշումն այն է, որ լրտեսության զանգվածային ծրագրերը, որոնց մասին հայտնել է ԿՀՎ նախկին աշխատակից Էվարդ Սնոուդենը, օրինական են եղել:
Այնուամենայնիվ, Օբաման հայտարարել է, որ պետք չէ լրտեսություն իրականացնել միայն այն բանի համար, որ տեխնիկական հնարավորություններ կան, հիշեցնում է Ria Novosti-ն:
