Ամերիկյան «Գունատանամո» բանտից ազատ կարձակվի Յեմենի բնակիչ Մահմուդ Մուջահիդը, ոըը «Ալ-Քաիդայի» մարտիկ է եղել և Ուսամա բեն Լադենի անձնական թիկնապահը: Այս մասին հայտնում է BBC-ն:
33-ամյա Մուջահիդը կալանքի տակ անցկացրել է ավելի քան 10 տարի: Նա ձերբակալվել էր 2002 թվականին, սակայն այդ ժամանակվանից ի վեր կասկածյալի դեմ այդպես էլ մեղադրանքներ չեն առաջադրվել:
Մուջահիդի ազատ արձակման հստակ ամսաթիվը հայտնի չէ: Նրա փաստաբան Դևիդ Ռեմեսը նշել է, որ նրան բանտում պահելու որևէ պաշտոնական հիմք չկա:
Մուջահիդն առաջինն է, որը կանգնել է հանձնաժողովի առջև, որի նպատակն է բանտը փակելու մասին Օբամայի հանձնարարականի կատարումը:
«Գուանտանամոյում» ընդհանուր առմամբ 155 մարդ է պահվում: Ամերիկյան իշխանություններն այդ մարդկանց չափազանց վտանգավոր են համարում ազատ արձակելու համար, սակայն չեն կարողանում դատարանում մեղադրանքներ առաջադրել ապացույցների բացակայության պատճառով:
