Իռլանդիան 7-րդ տեղն է զբաղեցրել աշխարհի երկրների ցանկում, որոնք առավել հարմարավետ են թոշակառուների կյանքի համար, փոխանցում է The Irish Times-ը։
Natixis ֆինանսական կորպորացիայի 6-րդ տարին անընդմեջ կազմած վարկանիշային աղյուսակում 43 երկրի տեղը որոշվում է ֆինանսա-տնտեսական և սոցիալական 18 կետի վերլուծությամբ (բժշկական սպասարկում, հնարավոր արտոնությունների առկայություն, ընդհանուր կենսամակարդակ)։
Վերջին երեք տարում Իռլանդիան կարողացել է բարձրանալ 19-րդ հորիզոնականից, իսկ նախորդ տարվա համեմատ՝ միանգամից 7 հորիզոնականով։
Առաջատարներն են Շվեյցարիան, Իսլանդիան, Նորվեգիան և Շվեդիան։ Հինգերորդ և վեցերորդ տեղերում են Նոր Զելանդիան և Ավստրալիան, 7-րդ տեղում Իռլանդիան է։ Լավագույնների տասնյակը եզրափակում են Դանիան, Կանադան և Նիդերլանդները։
