ԱՄՆ նախկին պետքարտուղար Քոնդոլիզա Ռայսն ասել է, որ Ռուսաստանը օգտագործում է տեխնոլոգիաները՝ աշխարհի վրա ազդելու համար: Նա այս մասին հայտարարել է Վիկտոր Պինչուկի հիմնադրամի կողմից կազմակերպված Յալթայի եվրոպական ռազմավարության (YES) 15-րդ ամենամյա հանդիպման շրջանակներում «Միջամտություն ընտրություններին, ապատեղեկատվություն և ժողովրդավարության ապագան Ուկրաինայում և Արևմուտքում» քննարկման ժամանակ՝ գրում է zn.ua-ը:
«Տեխնոլոգիան հիմնական միտումներն արագացնողը կամ խթանողն է: ՌԴ-ն որոշ ժամանակով լռել էր, սակայն այժմ նրանք կարող են օգտագործել տեխնոլոգիան՝ հանգիստ ազդեցություն ունենալու համար աշխարհի վրա», – ասել է Ռայսը: Նա ասել է, որ այն,ինչ նոր է թվում, հաճախ արմատներով հասնում է անցյալին:
«Այստեղ տեխնոլոգիաները թույլ են տալիս կառավարությանը անել այն, ինչ իրենք արդեն անում էին, օրինակ՝ այլ երկրներում հինգերորդ շարասյուն ստեղծել»,- հավելել է նա:
