ԱՄՆ-ը որոշել է Կորեայի Հանրապետություն ուղարկել հավելյալ զորք և ռազմական տեխնիկա: Այս մասին հայտարարել է Պենտագոնի պաշտոնական ներկայացուցիչ Սթիվեն Ուորենը՝ փոխանցում է ITAR-TASS-ը:
«Այդ միջոցառումները ծրագրվել էին վաղուց: Դրանք կապված են Կորեական թերակղզում անվտանգության ապահովման հետ»,- ասել է Ուորենը:
Ենթադրվում է, որ փետրվարին 9 ամսով Հարավային Կորեա կուղարկվեն մոտ 800 զինծառայողներ: Խոսքը նաև 40 М1А «Աբրամս» տանկերի և նույն քանակությամբ մարտական մեքենաների մասին է:
Ինչպես նշում են փորձագետները՝ այդ քայլերը ձեռնարկվում են Իրաքից ու Աֆղանստանից ուշադրության ռազմական վեկտորն Արևելյան Ասիա ուղղելու ԱՄՆ ջանքերի շրջանակում: Մասնագետները նշում են, որ ներկայում Հարավային Կորեայում տեղակայված է մոտ 28 հազար ամերիկացի զինծառայող:
