Ռուսաստանը հաջորդ տարվա կեսերին կսկսի ժամանակակից հակաօդային համակարգերի մատակարարումը Թուրքիային: Թուրքիան մտադիր է ձեռք բերել այդ համակարգերը՝ անտեսելով ԱՄՆ-ի կողմից ՆԱՏՕ-ի դաշնակից երկրին F-35 կործանիչների մատակարարումը չեղարկելու սպառնալիքը՝ գրում է mk-turkey.ru-ն:
Թեև համակարգերի մատակարարման գործարքը հաստատվել է, Թրամփի կառավարությունը հայտարարում է, որ շարունակում է բանակցությունները Թուրքիայի հետ ամերիկյան Patriot համակարգի վաճառքի վերաբերյալ: Թուրքիան ասում է, որ ուրախ կլինի գնել այդ համակարգերը, սակայն ռուսական համակարգերից, այնուամենայնիվ, չի հրաժարվի:
Զենքի մատակարարման հետ կապված աղմկահարույց պատմությունը դարձել է ևս մեկ՝ թերևս, ամենաթեժ ամպը ԱՄՆ-ի և Թուրքիայի միջև առանց այդ էլ բարդ հարաբերությունների հորիզոնում: Եթե այդ հարցում որևէ լուծում չգտնվի, ապա երկու երկրների համար ավելի դժվար կլինի լուծել իրենց միջև գոյություն ունեցող այլ խնդիրներ՝ ներառյալ Սիրիան և ԱՄՆ քաղաքացիների ձերբակալությունները:
