«Դեռ 2008-09 թվականներին մենք իմացել ենք, որ օլիգարխների դերը մարտիմեկյան ողբերգության մեջ շատ մեջ է եղել. նրանք եղել են այն թիկունքը, որն ապահովել է բուն կատարողների գործունեությունը, ինչպես նաև անձնապես մասնակցություն են ունեցել»,- «Առաջին լրատվական»-ի հետ զրույցում ասաց Մարտի 1-ի գործով Փաստահավաք խմբի նախկին անդամ Սեդա Սաֆարյանը:
Նրա խոսքով՝ Ռոբերտ Քոչարյանը ճիգեր էր գործադրում, որպեսզի Մարտի 1-ը չբացահայտվի. «Որքան ուշ բացահայտվեր Մարտի 1-ը, այնքան շատ կունենայինք անվերադարձ կորուստներ. այս պահին մենք անգամ չգիտենք, թե ապացույցների ինչ բազա կարելի է ապահովել 10 տարի անց»:
Անդրադառնալով պաշտպանության նախարար Դավիթ Տոնոյանի և Գլխավոր շտաբի պետ Արտակ Դավթյանի իրարամերժ հայտարարություններին՝ կապված Մարտի 1-ի դեպքերին բանակի ներգրավվածության հետ, Սեդա Սաֆարյանը տարակուսեց. «Արտակ Դավթյանը ի՞նչ գիտի, որ բանակը չի կրակել, այդ դեպքում ինչո՞ւ էին տանում բանակին: Ես կարծում եմ՝ դարձյալ փորձ է արվում բանակը հեռու պահել բուն գործողություններից: Գուցե Արտակ Դավթյանը շա՞տ բան գիտի»:
Ինչ վերաբերում է Ռոբերտ Քոչարյանի տված վերջին հարցազրույցին, թե՝ սա քաղաքական պատվեր է իր դեմ, Սեդա Սաֆարյանն ասաց, որ դեռ 2008-09 թվականներին նրան մեղադրել են իր կողմից Մարտի 1-ը կազմակերպելու և շատ լավ կազմակերպելու գործառույթներում. «Քանի դեռ Ռոբերտ Քոչարյանին չէին կպել, նա քաղաքականություն չէր վերադառնում, իսկ այժմ, երբ նրան հասկացնում են, որ ինքը օրենքի առաջ հավասար է և պատասխանատվության խնդիր ունի, կրկին անցել է քաղաքական շահարկումների: Որ դիրքից էլ նայենք Մարտի 1-ի գործին, պատասխանատուն Ռոբերտ Քոչարյանն է»:
Մանրամասները՝ տեսանյութում: