Грузия Online-ի փոխանցմամբ՝ Վրաստանի ՆԳՆ հակահետախուզության դեպարտամենտը հայտարարել է, որ իրենց հաջողվել է ձերբակալել կազմակերպված հանցավորության մի խմբի, որոնք կապված են «Վրացական կուսակցության» հետ։
Ընդհանուր առմամբ ձերբակալվել է 8 մարդ, ևս մի քանիսը գտնվում են հետախուզման մեջ։ Այդ օպերացիայի արդյունքում ի հայտ են եկել մայիսի վերջին «Վրացական կուսակցության» առաջնորդ Իրակլի Օքրուաշվիլիի պլանները։
Պարզվել է, որ իշխանափոխություն կատարելու համար Օքրուաշվիլին ցանկացել է Վրաստան վերադառնալ մինչև 200 հատուկջոկատայինների հետ։ Սահմանին նրան դիմավորելու էին 20 զինված վրացիներ, ապա նրանք պետք է զինաթափեին վրացական սահմանային կետերը։
Հիշեցնենք, որ Վրաստանի նախկին պաշտպանության նախարար Իրակլի Օքրուաշվիլին Վրաստանում իշխանափոխության տապալումից և իր չկայացած վերադարձից հետո հայտարարել էր, թե չէր պատրաստվում ռուսական տանկերի հետ Ցխինվալով վերադառնալ Վրաստան։
