Տանզանիայի նախագահ Ջոն Մագուֆուլին ասել է, որ պետք չէ պաշտպանվել հղիությունից։ Նրա խոսքը փոխանցում է The Guardian-ը։
Նրա կարծիքով՝ հակաբեղմնավորիչներից ծույլ մարդիկ են օգտվում, որոնք չեն ցանկանում աշխատել և ընտանիք պահել։ Նա հավելել է, որ նրանք, որոնք քարոզում են պաշտպանվել, վատ խորհրդատուներ են։
«Դուք լավ ֆերմերներ եք, դուք կարող եք կերակրել ձեր երեխաներին։ Ինչու՞ պետք է պաշտպանվեք»,-ժողովրդին դիմելով՝ ասել է նախագահը։
Նշվում է, որ նախագահի խոսքը օրենսդրական փոփոխություն չի նշանակում։
Տանզանիայում գործող օրենքի համաձայն՝ կանայք իրավունք ունեն պաշտպանվել հղիությունից։ Սակայն հակաբեղմնավորիչ միջոցները ոչ բոլորին են հասանելի։
