Թուրքական Ensonhaber կայքի փոխանցմամբ՝ ամերիկյան The Wall Street Journal թերթում հրապարակվել է Բրյուսելում գտնվող GFK հետազոտական կազմակերպության անցկացրած ուսումնասիրությունը, որը նվիրված է աշխարհում ամենաշատ և ամենաքիչ ողորմություն տվող ազգերին։
Հարցախույզն անց է կացվել 18 երկրներում (այդ թվում՝ նաև ԱՄՆ, Բրազիլիա, Հնդկաստան, Մեծ Բրիտանիա ու Ֆրանսիա), որին մասնակցել է 18,261 մարդ։ Հարցախույզի արդյունքները ցույց են տվել, որ մարդիկ ողորմություն են տալիս հիմնականում կրոնական դրդապատճառներով։ Ողորմության չափն էլ կազմել է 1-200 եվրո։
Թուրքերի միայն 9 տոկոսն է պատրաստ օգնել կարիքավորներին, մինչդեռ Եվրոպայում միջին ցուցանիշը կազմել է 44 տոկոս։ Ամենաբարձր ցուցանիշը գրանցվել է հոլանդացիների շրջանում՝ 77 տոկոս։