Միջազգային ճգնաժամային խմբի (International Crisis Group) Կովկասյան նախագծի տնօրեն Լոուրենս Շիթսը «Մեդիամաքսի» հետ հարցազրույցում ասել է, որ «եթե վաղը Կազանում կայանալիք Հայաստանի և Ադրբեջանի նախագահների հանդիպումը անարդյունք լինի, ապա դա շատ վատ կանդրադառնա ԼՂ հակամարտության կարգավորման գործընթացի վրա»:
«Այս հանդիպման հետ շատ հույսեր են կապում: Իհարկե, ցանկալի է, որպեսզի կողմերը փոխադարձ դրական քայլեր անեն և գնան անհրաժեշտ փոխզիջումների, սակայն դժվար է ասել՝ որքանով է դա իրական»: Մեկնաբանելով Բաքվի հայտարարությունները այն մասին, թե «Կազանը կարգավորման վերջին հնարավորություն է»՝ Լոուրենս Շիթսն ասել է, որ «սա շատ բարձրագոչ քաղաքական հայտարարություն է»:
«Սա վերջին հնարավորությունը չէ, բայց կարծում եմ, որ եթե Կազանի գագաթնաժողովից հետո փոփոխություններ չլինեն, միջազգային հանրության ուշադրությունը ԼՂ խնդրի կարգավորման նկատմամբ կնվազի»,- ասել է ICG-ի ներկայացուցիչը: