Վրաստանի և Ադրբեջանի միջև ազատ առևտրի ռեժիմը աշխատում է որոշակի անճշտություններով, և այն պետք է ընդլայնվի: Այդ մասին հայտարարել է Վրաստանի վարչապետ Մամուկա Բախտաձեն՝ գրում է newsgeorgia.ge-ն:
Հուլիսի Վրաստանի վարչապետի պաշտոնը ստանձնած Բախտաձեն օգոստոսի 30-ին առաջին պաշտոնական այցով եղել է Ադրբեջանում: Բաքվում նա հանդիպումներ է ունեցել նախագահ Ալիևի և վարչապետ Մամեդովի հետ:
«Ադրբեջանը մեր ռազմավարական գործընկերն է: Ցանկանում եմ ձեզ ասել, որ հանդիպումը շատ բեղմնավոր էր: Մենք քննարկել ենք շատ կարևոր համատեղ նախագծեր, որոնք նոր խթան կհանդիսանան Վրաստանի և Ադրբեջանի տնտեսական հարաբերությունների ընդլայնման համար: Դուք գիտեք, որ մեր միջև կա ազատ առևտրի ռեժիմ, բայց դա որոշակի անճշտություններ ունի: Միևնույն ժամանակ, մեր դիրքորոշումն այն է, որ մենք ընդլայնենք Ադրբեջանի հետ ազատ առևտրի ռեժիմի գոյություն ունեցող շրջանակները, և պետք է ավելացվի ծառայությունների ոլորտը», – ասել է Բախտաձեն:
