Ադրբեջանական Trend լրատվական գործակալության փոխանցմամբ՝ Ադրբեջանն ու Թուրքիան պաշտոնապես դիմել են իրաքյան Քարբալա քաղաքի իշխանություններին՝ այդ քաղաքում հյուպատոսարաններ բացելու խնդրանքով։ Այս մասին հայտարարել է Քարբալայի նահանգային խորհրդի նախագահ Մուհամմեդ Մուսավին։
Վերջինիս խոսքերով, այդ հյուպատոսարանների բացման նպատակներից մեկն այդ երկրներից ժամանող ուխտագնացներին սպասարկելն է։
Հիշեցնենք, որ ներկայիս դրությամբ Քարբալայում հյուպատոսարան ունի միայն Իրանը։ Այն բացվել է նախորդ տարի։