Բժիշկ Մարկ Վանդերպամպն իր աշխատանքային տարիների ընթացքում եկել է այն եզրակացության, որ շաքարն ավելի վտանգավոր է, քան մարդիկ կարծում են: Քաղցրավենիքի չարաշահումը ոչ միայն ատամներն ու կազմվածքն է փչացնում, այլև իր վատ ազդեցությունն է ունենում հորմոնալ ֆոնի, լյարդի, անոթների, հետևաբար նաև ամբողջ օրգանիզմի վրա: Միան շատ առողջ և ուժեղ մարդիկ կարող են իրենց թույլ տալ օրական 10 գդալ շաքար օգտագործել, իսկ ժամանակակից մարդկանց մեծամասնության համար դա շատ վտանգավոր է, քանի որ շաքարախտով և սրտանոթային բազմաթիվ հիվանդություններով է սպառնում:
Իրադրությունը բարդանում է նրանով, որ շաքարը կախվածություն է առաջացնում, և դրա օգտագործման պահանջն աստիճանաբար մեծանում է: Այդ պատճառով էլ ձմեռային տոներին 3-4 անգամ շաքարային նորման գերազանցող մարդիկ լրջորեն վնասում են իրենց առողջությունը: Վանդերպամպը խորհուրդ է տալիս տոնական այս օրերին շաքարի օգտագործումը նվազեցնել՝ հասցնելով օրական 2 գդալի:
