Բրիտանիայի 10 շրջանների ոստիկանական տեղամասերում ու դատարաններում թեստային ծրագրի շրջանակում կհայտնվեն հոգեբույժներ, հայտնում է BBC-ի ռուսական ծառայությունը:
41 մլն դոլարանոց ծրագիրը ոստիկաններին օգնել է շփվել այն կալանավորների հետ, որոնք տառապում են հոգեկան շեղումներով:
Բրիտանիայի առողջապահության դեպարտամենտի տվյալներով՝ բանտերում հայտնված մարդկանց մեծ մասը հոգեկան խնդիրներ ունի, օգտագործում է թմրանյութեր կամ տառապում է թերզարգացմամբ:
Ծրագիրն արդեն գործում է Կոռնուոլում, դրա արդյունքները բավական հաջողված են, կրկնակի հանցագործություն կատարած հոգեկան խանգարումներով մարդկանց թիվը կրճատվել է 49%-ով:
Վերջին տվյալների համաձայն՝ ոստիկաններն իրենց ժամանակի 15-25%-ը ծախսում են հոգեկան խնդիրներ ունեցող կասկածյալների հետ շփվելու վրա:
