ԱՄՆ Կոլորադո նահանգի Դենվեր քաղաքի ոստիկանությունը ռեստորաններից մեկի անվտանգության տեսախցիկների տեսագրությունն է տարածել։ Իրավապահները խնդրում են ճանաչել և օգնել գտնել հասքիի տիրոջը, որը հարձակվել է հաստատության հյուրի վրա։ Այս մասին հաղորդում է Daily Mail-ը։
Տեսագրությունում երևում է, որ այցելուներից մեկին պատկանող հասքի ցեղատեսակի շունն առանց ագրեսիայի հոտոտում է հյուրերին, նրանց թույլ տալիս շոյել իրեն և իրեն հանգիստ է պահում։ Սակայն նա հանկարծակի հարձակվում է մի կնոջ վրա, որը սեղաններից մեկի շուրջ էր նստած։
Տուժածին օգնություն ցույց տալու և շտապ օգնություն կանչելու ընթացքում հասքիի տիրուհին շան հետ հասցրել է լքել հաստատությունը։
Նշվում է, որ տուժած կինը նախկին մոդել է։ Նա լուրջ վնասվածքներ է ստացել և պլաստիկ վիրահատության կարիք կա։
