Կենտրոնական Չինաստանում գտնվող Հենան գավառի տարեց բնակչի խոսքերով՝ որոշ ժամանակ առաջ տեղի պաշտոնյաները շինարարներին թույլատրել են քանդել բնակելի տները, ինչի հետևանքով 340 տնտեսություններից մնացել է 34-ը: Թոշակառու Չժոու Ջիանբանի հարևանները պնդում են, որ իրենք այդ գործողությունները թույլատրող ոչ մի փաստաթուղթ չեն ստորագրել: Այս մասին գրում է Federal Post-ը:
Հետևելով հարևանների և շինարարների վեճերին, ինչպես նաև այն բանին, որ տներն աստիճանաբար անհետանում են՝ Չժոուն հասկացավ, որ միայն զենքով կարող է պաշտպանել իր անշարժ գույքը: Իսկ իրավապահների հետ խնդիրներից խուսափելու համար այն պետք է կեղծ լինի:
Այսպիսով, թոշակառուն հավաքեց 6 ինքնաշեն թնդանոթ՝ յուրաքանչյուրը 100 յուան (16 դոլար) արժողությամբ, իսկ դրանց շուրջը կանգնեցրեց Չինաստանի հինգաստղանի դրոշներ:
Տղամարդը հարևաններին վստահեցրել է, որ եթե այդ թնդանոթները իրենցից վտանգ էլ ներկայացնեն, ապա միայն՝ պաշտոնյաների համար: