Թուրքիան, երկրում ծավալված արժութային ճգնաժամի ֆոնին, նոր դաշնակից է ձեռք բերել։ Թուրքիայի նախագահ Ռեջեփ Թայիպ Էրդողանի մամլո ծառայության հաղորդագրության համաձայն՝ Քաթարը խոստացել է Անկարային 15 միլիարդ դոլարի չափով ներդրումներ ուղղել։
Թուրք առաջնորդի հետ անձնական հանդիպման ժամանակ Քաթարի էմիր Թամիմ բին Համադ Ալ Թանին հայտարարել է թուրքական տնտեսության մեջ 15 միլիարդ դոլար ներդնելու մտադրության մասին։ Ոչ մի լրացուցիչ տեղեկատվություն ներդրումային փաթեթի մասին չի տրամադրվել, կոնկրետ նախագծեր կողմերը չեն նշել։
Հանդիպման ընթացքում երկրների առաջնորդները «հաստատել են իրենց մտադրությունը՝ Թուրքիայի և Քաթարի միջև բոլոր բնագավառներում հարաբերությունները ամրապնդելու շուրջ»։
