Հանրաճանաչությունն ու փառքը չար կատակ խաղացին Մաքոլեյ Քալքինի հետ, ով փոքր հասակում դարձավ ամենահաջողակ դերասանը՝ «Տանը մենակ» ֆիլմում գլխավոր դեր խաղալով՝ գրում է kinoafisha.ua-ը:
Հանրաճանաչությանը հաջորդեցին ալկոհոլը, թմրանյութը և վատ շրջապատը: Թվում էր, թե դրանով նրա դերասանական ուղին ավարտվեց, սակայն նա կարողացավ իրեն հավաքել, ազատվել թմրանյութերից և ալկոհոլից կախվածությունից, և մի քանի տարի անց նրան հնարավոր չէր ճանաչել: Նա երիտասարդացել էր և նույնիսկ սիրահարվել:
Ներկայումս դերասանը հանդիպում է 30-ամյա դերասանուհի Բրենդա Սոնգի հետ և նրանց մոտ ամեն բան լուրջ է: Վերջերս տրված հարցազրույցում Մաքոլեյը խոստովանել է, որ անհամբերությամբ սպասում է, թե երբ սիրելին իրեն զավակ կպարգևի: Բայց մեկ երեխայի վրա նա կանգ առնել չի ցանկանում. նա երազում է մեծ և ամուր ընտանիքի մասին:
