17-ամյա Մարիա Խաչատուրյանը, որը երկու քույրերի հետ միասին հոր սպանության մեջ է մեղադրվում, լրացուցիչ բուժզննում կանցնի։ Այս մասին ասել է ՌԴ նախագահին առընթեր երեխայի իրավունքների պաշտպանության լիազոր Աննա Կուզնեցովան։
Կուզնեցովան մեկուսարան է այցելել աղջկա փաստաբան Յարոսլավ Պակուլինի խնդրանքով։
«Մենք պայմանավորվեցինք լրացուցիչ հարցման մասին այն պոլիկիլինիկա, որտեղ նա գրանցված է։ Նրան լրացուցիչ բուժզննում կնշանակվի, որոշ հետազոտություններ նա կանցնի այսօր, որոշներն էլ՝ առաջիկայում, ստացված փաստաթղթերի ուսումնասիրությունից հետո»,-ասել է Կուզնեցովան։
Նա ընդգծել է, որ աղջիկը պետք է սովորելու հնարավորություն ունենա։
Հուլիսի 27-ին 17, 18 և 19-ամյա երեք քույրերը դանակի բազմաթիվ հարվածներով սպանել են հորը՝ Միխայիլ Խաչատուրյանին։
