Վենեսուելայի Ազգային ժողովի ֆինանսների կոմիտեի ղեկավար Ռաֆայել Գուսմանը հայտարարել է, որ տարվա սկզբից գնաճը երկրում կազմել է 10664%: Այս մասին հաղորդում է El Nacional–ը։
Նրա խոսքերով՝ գնաճի մակարդակը հուլիսին 125% է կազմել։
«Ֆինանսների կոմիտեն հայտարարում է. 2018 թվականի հուլիսին գնաճը՝ 125%, տարվա սկզբից՝ 10664,7%, տարեկան կտրվածքով՝ 82766%, օրական՝ 2,7%»,- գրել է նա Twitter-ում։
Նա նշել է, որ հենց այդ պատճառով են վենեսուելացիները բողոքում փողոցներում։
«Գոյություն չունի աշխատավարձի այնպիսի բարձրացում, որը կդիմանա այս գերգնաճին»,– ասել է Գուսմանը։
