«Հայ-ռուսական հարաբերությունների ներկա փուլում առկա է խոր ճգնաժամ, որն առաջացել է կողմերի ռազմավարական չհասկացվածության պատճառով: Դա պայմանավորված է առաջին հերթին պրոֆեսիոնալիզմի բացակայությամբ և մի շարք սխալներով, որ թույլ տրվեցին Հայաստանի նոր կառավարության մի քանի ներկայացուցիչների կողմից,- «Առաջին լրատվական»- ի հետ զրույցում այս մասին ասաց ռուսաստանցի քաղաքագետ Գեորգի Ասատրյանը: -Ինչ նկատի ունեմ. երբ ինչ-որ քաղաքականություն ես վարում, պետք է այնպես անես, որ բոլորը հասկանան, թե ինչ ես ուզում անել, պետք է բացատրես քո մտադրությունները, քո քաղաքականությունը, քո արտաքին քաղաքական վեկտորը և պետք է կարողանաս նորմալ զրուցել մարդկանց հետ: Մենք տեսանք, որ հաճախ է տեղի ունենում հայ քաղաքական գործիչների այց Մոսկվա, հանդիպումները հիմնականում ռուսական էլիտայի ներկայացուցիչների հետ են, բայց պետք հանդիպել նաև լրագրողների, քաղաքագետների, բիզնեսի ներկայացուցիչների լայն շրջանակների հետ և պետք է բացատրել մտադրությունները, այդ դեպքում խնդիրները շատ ավելի քիչ կլինեն:
Ռուսաական կողմից տեսնում ենք բավականին կոշտ արձագանք, որը միջամտություն է Հայաստանի ներքին գործերին: Երկու կողմից էլ էմոցիաները շատ են, բայց փառք Աստծո, երկու երկրներն ունեն դարավոր լավ հարաբերություններ, պետք է նստել, խոսել, քննարկել վստահելի մթնոլորտում, և խնդիրները կնվազեն: Ցանկակացած քաղաքական քայլ անելուց առաջ թե՛ Ռուսաստանի, թե՛ Հայաստանի ղեկավարությունը պետք է դիտարկի, թե ինչպես է դա արվել անցյալում: Այս ճգնաժամը հնարավոր է հաղթահարել, այստեղ չկան մեղավորներ և արդարներ, պետք է ուղղակի հասկանալ միմյանց և գնալ առաջ, քանի որ երկու երկրներն էլ հավասարապես կախված են միմյանցից, և՛ Ռուսաստանն է պետք Հայասատնին, և՛ Հայաստանն է պետք Ռուսաստանին»:
Ամերիկագետ Արեգ Գալստյանը հավելեց, որ թավշյա հեղափոխության առաջնորդները լավ ծանոթ չեն Ռուսաստանին, ծանոթ չեն մեխանիզմներին՝ ինչպես են ձևավորվում Ռուսաստանի քաղաքական տրամադրությունները և որոշումները, և բնական է, որ այսպիսի խնդիրներ վաղ թե ուշ պետք է առաջանային: «Մյուս կողմից՝ Ռուսաստանը նույնպես չի ճանաչում Հայաստանի նոր ղեկավարությանը, և չգիտեն ինչ սպասել նրանից: Հայաստանի նոր իշխանության ներկայացուցիչներից շատերը մինչև իշխանության գալը քննադատել են Ռուսաստանին, Հայաստանի ԵԱՏՄ և ՀԱՊԿ անդամակցությունը և առաջարկել են դուրս գալ այս կառույցներից, և Ռուսաստանի մոտ իներցիայով պահպանվել է նախկին տպավորությունը, քանի որ իշխանության եկածերն այդ նույն մադիկ են: Անշուշտ, նրանց կարգավիճակը փոխվել է, և հիմա անհրաժեշտ է կոնկրետ համակարգային աշխատանքով ցույց տալ, որ ընդդիմադիրի և քննադատի կարգավիճակը մնացել է անցյալում, հիմա ստանձնել են պետության ղեկավարության կարգավիճակ և պատասխանատու են ազգային հետաքրությունների համար»:
Ն. Գալստյանի դիտարկմամբ՝ խնդիրն ուռճացվում է՝ ճանճից փիղ են սարքում, որը կարող է վերահսկողությունից դուրս գալ. «Այդ պատճառով պետք է նվազեցնել ճգնաժամը, խնդիրներն առաջացել են փոխադարձ չհասկացվածության և փոխադարձ չընկալվածության պատճառով: Անհրաժեշտ է ձևավորել քաղաքակական շփման ընդհանուր լեզու՝ երկու պետությունների համար հասկանալի»:
Մանրամասն՝ տեսանյութում:
