«Թրամփին լուրջ քաղաքականության մեջ ընկալելը մի քիչ դժվար է, և անհասկանալի է՝ եթե բանակցելու կողմնակից է, ինչո՞ւ դուրս եկավ նախկին կառավարության կողմից ստորագրված համաձայնագրից»,- «Առաջին լրատվական»-ի հետ զրույցում նշեց իրանագետ Ռուբեն Մինասյանը՝ անդրադառնալով ԱՄՆ նախագահ Դոնալդ Թրամփի հայտարարությանը՝ Իրանի հետ բանակցությունները առանց նախապայմանների վերսկսելու պատրաստակամության մասին:
Մեր զրուցակցի կարծիքով՝ ԱՄՆ-Իրան հարաբերությունները կլարվեն-կլարվեն, հետո միանգամից կթուլանան. «Ինչպես եղավ Հյուսիսային Կորեայի հետ: Համենայնդեպս, պատերազմի չի գնա, որովհետև դա ոչ մեկին ձեռնտու չէ»:
Իրանագետի խոսքով՝ այդ համաձայնագիրը ավելի շատ դիտարկվում էր որպես Իրան-ԱՄՆ հարաբերությունների բարելավմանն ուղղված քայլ. «Թեև եվրոպական երկրները դուրս չեն եկել համաձայնագրից, բայց ԱՄՆ-ի դուրս գալով, կարելի է ասել, այդ համաձայնագիրը չի աշխատում»:
Դիտարկմանը՝ իրանական արժույթի արժեզրկման պայմաններում սպասվո՞ւմ է իրանահայերի ներհոսք Հայաստան, իրանագետը պատասխանեց. «Ոչ միայն իրանահայերի. եթե նման տեմպերով իրանական ռիալը արժեզրկվի, բոլորը կմտածեն Իրանը թողնելու մասին»:
Հարցազրույցն ամբողջությամբ՝ տեսանյութում: