«Ադրբեջանական փառատոն կոչվածը կարծես թե հնչում է մշակութային ինչ-որ գործողություն, իրականում դա բացահայտ քարոզչական միջոցառում է, եւ կազմակերպիչները չեն թաքցնում, որ սա քարոզչություն է` ուղղված ինչ-որ նպատակների: Եթե ինչ-որ մեկը ցանկանում է ծանոթանալ, մշակութային բազմաթիվ հնարավորություններ կան այսօր: Ունենք համացանց եւ այնտեղ նույն ադրբեջանական կինոները կան, որի միջոցով հնարավոր է պրոֆեսիոնալ ուսումնասիրել: Սա նույնն է, ինչ որ ստրիպտիզի փառատոն անենք եւ ասենք, որ մենք ցանկանում ենք այդ միջոցով ուսումնասիրել մարդու անատոմիան»,- այս համեմատականը այսօր լրագրողների հետ հանդիպման ժամանակ արեց տեղեկատվության անվտանգության մասնագետ Կարեն Վրթանեսյանը: