«Ռոբերտ Քոչարյանի չարությունն իրեն կործանեց: Թող տանջվի, մեղքերը քավի»,- «Առաջին լրատվական»- ի հետ զրույցում այս մասին ասաց 2000-ականների սկզբին Ռոբերտ Քոչարյանի առաջին հարվածի տակ ընկած քաղաքական գործիչներից մեկը՝ «Մխիթար Սեբաստացի» կրթահամալիրի տնօրեն Աշոտ Բլեյանը՝ ընդգծելով. «Ես հավատում եմ և՛ Աստծուն, և՛ արդարադատությանը, գալիս է հատուցման պահը»:
«Հերթական անգամ արժանին մատուցենք Նիկոլ Փաշինյանին իր հաստատակամության համար, հասարակությանը տված խոստումը կատարելու համար,- նշեց Ա. Բլեյանը՝ անդրադառանալով Մարտի 1-ի բացահայտման իրողությանը: – Ես ենթադրում էի, որ Ռոբերտ Քոչարյանը չի ներկայանա, ձև կգտնի խուսափելու, բայց լավ է, որ եկավ: Բայց հանցագործությունը համարվում է բացահայտված, երբ պատժվում են հանցագործությանը մասնակցած բոլոր մեղավորները»:
98-ից ի վեր ականատես ենք եղել քաղաքական հետապնդումների, քաղաքական սպանությունների, որի կուլմինացիան Հոկտեմբերի 27-ն էր: Ա. Բլեյանի կարծիքով՝ հնարավոր է, որ Ռ. Քոչարյանին մեղադրանք առաջադրվի նաև Հոկտեմբերի 27-ի և այլ սպանությունների համար: «Չպետք է հորթի խանդավառվությամբ տարվենք․ Քոչարյանի կալանավորումը կարող է առաջացնել ներքին և արտաքին մարտահրավերներ: Չպետք է արխայնանանք, պետք է գործողությունների շարք իրականացնել՝ կանխատեսելով: Հասարակությունը նույնպես պետք է գործի, համախմբվի, պետք է ավելի բաց հետևի պրոցեսներին»:
«Քոչարյանի գալով՝ զգացել եմ առաջին լուրջ վտանգը»,- նշեց մեր Բլեյանը՝ անդրադառնալով 98թ-ի ընտրություններին, երբ նախագահի թեկնածու էր նաև ինքը:
Մանրամասն՝ տեսանյութում:
