Արցախի նախագահ Բակո Սահակյանի խորհրդական Գառնիկ Իսագուլյանի կարծիքով՝ Նիկոլ Փաշինյանի մոտեցումն Արցախյան հարցի վերաբերյալ ճիշտ է ընտրված: «Այո՛, սկզբնական շրջանում կային մտավախություններ, բայց հետագայում դրանք չեզոքացան»,- «Առաջին լրատվական»-ի հետ զրույցում ասաց Իսագուլյանը։
Նա միևնույն ժամանակ նշեց, որ Նիկոլ Փաշինյանը պատասխանատու չէ նախկին իշխանությունների խոստումների համար: «Փաշինյանը կարող է ասել՝ նրանք ուզում էին զիջել, իրենց խնդիրն է. իրենք կարող է իրենց իրավունք են վերապահել, ես պարզ եմ ասում՝ այդ մարդիկ ինձ քվե չեն տվել, ու ես իրավասու չեմ խոստում կատարել Արցախի փոխարեն»,- ասաց նա։
Իսագուլյանի դիտարկմամբ՝ Հայաստանի նոր իշխանությունները Արցախյան հարցում բովանդակության փոփոխություն են առաջ քաշում, ինչը ողջունելի է։