Չինաստանը սկսել է խոշոր և համեմատաբար ոչ այնքան թանկ XLUUV անօդաչու սուզանավերի մշակումը, որոնք հագեցած են լինելու արհեստական բանականությամբ։ Սուզանավերը նախատեսված են լինելու լայն սպեկտրի խնդիրներ իրականացնելու համար՝ ներառյալ թշնամու նավերի հետախուզությունը և ականապատումը։
Այս մասին հաղորդում է South China Morning Post պարբերականը։
Սպասվում է, որ ռոբոտացված սուզանավերը գործի են դրվելու արդեն 2020 թվականին։ Նրանք չեն փոխարինելու սովորական սուզանավերին, որոնք ղեկավարվում են մարդկանց կողմից, սակայն դրանց օգնությամբ չինացիները մտադիր են վիճարկել այն դիրքերը, որոնք Երկրորդ համաշխարհային պատերազմից հետո զբաղեցվել են արևմտյան տերությունների ռազմա–ծովային ուժերի կողմից։ Ըստ մշակողների՝ նոր կարգի սուզանավերը Հարավ–Չինական ծովում և Խաղաղ օվկիանոսի արևմտյան հատվածում դիմակայելու են ԱՄՆ–ի ռազմական նավերին։
