«Ելք» դաշինքը հայտնվել է երկու խնդրի առջև, մեկը՝ արտահերթ խորհրդարանական ընտրություններն են, տրամաբանական է, որ հեղափոխությունից հետո պետք է լիներ, երկրորդը՝ ժամանակից շուտ Երևանի ավագանու ընտրություններն են: Ինչպե՞ս լուծել այս հանգունցը:
Թեմայի շուրջ «Առաջին լրատվական»- ի հետ զրույցում ԱԺ «Ելք խմբակցության պատգամավոր Լենա Նազարյանը նշեց. «Սեպտեմբերի վերջին տեղի կունենան Երևանի քաղաքապետի ընտրությունները, և մենք պետք է որոշենք առանձին կամ մեր գործընկերների հետ մասնակցելու հարցը: Չի բացառվում, որ Երևանի ավագանու ընտրություններին «Քաղաքացիական պայմանագիրը» մասնակցի առանձին, իսկ հետագայում ԱԺ արտահերթ ընտրություններին՝ դաշինքով: Երկար ենք այս հարցը քննարկում, դեռևս չունենք որոշում:
Որոշակի համաձայնություն պետք է լինի ցուցակում տեղերի վերաբերյալ, թե ով է լինելու քաղաքապետի թեկնածուն, ինչ համամասնությամբ են կուսակցությունների անդամները ներգրավված լինելու ցուցակում և քանի հոգի»:
Անդրադառնալով Ընտրական օրենսգրքի շուրջ ծավալվող քննարկումներին՝ Լենա Նազարյանը նշեց. «Ամենաառանցքային հարցը վերաբերում է ընտրակարգին: Վերջին նիստում քննարկվեց ընտրակարգի հետ կապված երեք առաջարկ: Կառավարության և «Ելք» խմբակցության առաջարկը փակ համամասանական ցուցակն է: ՀՅԴ-ն բաց համամասնական ցուցակի վերաբերյալ հետաքրքիր առաջարկ ունի»:
Մանրամասն՝ տեսանյութում: