Վերջերս երիտասարդ դերասանուհի Սենդ Վան Ռոյը ֆրանսիացի ռեժիսոր Լյուք Բեսոնին բռնաբարության մեջ է մեղադրել։
Աղջկա խոսքով՝ 59-ամյա ռեժիսորը Փարիզի Bristol հյուրանոցում հարձակվել է իր վրա՝ այս տարի Կաննի կինոփառատոնի ավարտից հետո։
Նա նաև պնդում է, որ նա «իրեն ամուր բռնել էր» և «որպես սեքսուալ խամաճիկ օգտագործել»՝ պահանջելով, որ ինքը խոսի տիկնիկի նման և կարճ կիսաշրջազգեստներ հագնի։ Դա տևել է երկու տարի։
«Ես վախենում էի մեռնել։ Ես մոտ էի դրան։ Նույնիսկ հաջորդ օրը մարմինս այնքան էր ցավում, որ գիտակցությունս կորցրեցի։ Դա բռնաբարություն էր։ Ես նրան խնդրում էի դադարեցնել։ Արցունքներ եղան և փսխոց։ Նա ինձ ստիպեց նվաստացուցիչ սեռական գործողություններ անել։ Ես նրան ասում էի, որ չեմ ցանկանում դա՝ իմ զզվանքը ցույց տալով»,-մայիսի 18-ի գիշերը հիշելով՝ ասել է դերասանուհին։
Բեսոնի փաստաբան Թյերի Մարեմբերգը հայտարարել է, որ ռեժիսորը «կտրականապես հերքում է այդ մեղադրանքները» և ցուցմունք կտա դատարանում։
