Ներառական կրթության ոլորտում տարիների ընթացքում արված աշխատանքը մնացել է թղթի վրա, գործնականում չենք ունեցել զարգացում։ Այդ մասին լրագրողների հետ զրույցում ասաց ՄԻՊ Արման Թաթոյանը։
«Սա այն ոլորտներից է, որը շատ կարևոր նշանակություն ունի։ Իրավիճակն այնպիսին է, որ հաշմանդամություն ունեցող երեխաների կրթական ծրագրերի բացակայության, որակյալ մասնագետների բացակայության, ծնողների կրթվածության կամ իրազեկվածության մակարդակի բացակայության պատճառով երեխաները չեն կարողանում որակյալ կրթություն ստանալ։ Լինում են դեպքեր, երբ ծնողն ինքն է որոշում երեխային չուղարկել մանկապարտեզ կամ դպրոց, որովհետև այդ դպրոցում ծրագրեր չկան, խարանի են ենթարկվում երեխաները»,- նշեց Թաթոյանը։
Ի դեպ՝ «Առաջին լրատվական»-ը օրեր առաջ ահազանգի հետքերով գնացել էր Երևանի թիվ 92 մանկապարտեզ, որտեղ ներառական խնդիրներով երեխաների համար կառուցված մասնաշենքի դաստիարակները և երեխաների ծնողները բողոքում էին տնօրենի դեմ, քանի որ վերջինս զբաղված է դրամահավաքությամբ։ Ծնողների պնդմամբ՝ անգամ անձեռոցիկի գնման համար իրենցից են գումարներ հավաքում։ Սա ևս խնդիր է, որին պատկան մարմինները պարտավոր են լուծում տալ (https://www.1in.am/2381968.html)։
Մարդու իրավունքների պաշտպան Արման Թաթոյանը մեր այդ դիտարկմանը պատասխանեց, որ հենց այսօր են այցելել այդ մանկապարտեզ, սակայն hրապարակմանը ծանոթ չեն։ Պաշտպանը խոստացավ ծանոթանալ հրապարակմանը, ուսումնասիրել և համապատասխան քայլեր ձեռնարկել։
Մանրամասները՝ տեսանյութում։
